बालबालिका तथा विद्यार्थीका लागि तीनदिने शान्तिदूत तालिम सुरु
इनरुवा, २८ फागुन । सुनसरी जिल्लाका बालबालिका तथा विद्यार्थीका लागि तीनदिने शान्तिदूत तालिम यहाँ सुरु भएको छ ।
क्षेत्रीय दङ्गा नियन्त्रण कार्यालय दुहवी र जिल्ला प्रहरी कार्यालय सुनसरीको संयोजनमा हिजोदेखि सुरु भएको सो तालिममा सदरमुकाम इनरुवासहितका ८० बालबालिकाको सहभागिता छ ।
प्रहरी नागरिक हातेमालो अगुवा शान्तिदूत कार्यक्रमअन्तर्गत तालिम सुरु भएको जानकारी सुनसरीका प्रहरी उपरीक्षक सञ्जयराज शर्माले दिनुभयो ।
जिल्लाको शान्ति सुरक्षा मजबुद पार्ने, जनता बिना बर्दीका प्रहरी भएको तथा प्रहरी जनताको साथी भएको सन्देश दिन र जनता तथा नागरिकसँगको सम्बन्ध सुमधुर पार्ने उद्देश्यका साथ प्रहरी प्रधान कार्यालयको महिला तथा बालबालिका विभागको संयोजनमा तालिम सुरु गरिएको हो ।
नागरिक, प्रहरी र बालबालिकालाई समेत प्रहरी साथी भएको सन्देश दिनका लागि तालिम गरिएको प्रहरी नायब महानिरीक्षक मीगमार लामाले बताउनुभयो ।
तालिममा प्रहरी नायब महानिरीक्षक लामा, प्रहरी निरीक्षक विपीन गौतम, प्रमिला घिमिरे र विवेचना बन्जारालगायतले प्रशिक्षण दिने आयोजकले जनाएको छ ।
अमेरिकाको मिनेसोटा राज्यको एक तालमा १ बालक मृत अवस्थामा फेला अन्य २ जना अझै बेपत्ता ,हत्याको शंका
न्युयोर्कका सांसदहरूले सरकारी भवन र विद्यालयमा लुकाएर हतियार बोक्न प्रतिबन्ध लगाउने विधेयक पारित
न्यूयोर्कको लायन्स क्लब अफ क्विन्स बुद्धको अध्यक्ष पदमा बिक्की पुलामी निर्वाचित
फ्लोरिडा राजमार्ग गस्तीद्वारा मानव तस्करीका विभिन्न घटनामा दुई दिनमा दुई जना पक्राउ
अमेरिकाको केन्टकीमा बन्धुकधारीको आक्रमणबाट २ प्रहरीहरुको मृ्त्यु
प्रतिक्रिया