एनआरएन युएसए अधिवेसनको लागि खेलकुदको तयारी अन्तिम अवस्थामा

गैर आवासीय नेपाली सघ राष्ट्रिय समन्वय समिति अमेरिकाको आगामी मार्च २१ र २२ तारिखमा डिसी महानगर क्षेत्रमा हुने तेश्रो अधिवेसनको लागि बिभिन्न खेलको आयोजना भब्य तयारीको साथ अन्तिम अवस्थामा पुगेको बताईएको छ l

अधिवेसनमा नेपाल र नेपालीको शिर उच्च पार्ने खेलाडीहरुलाई सम्मान गरिने भएको छ l उक्त सम्मान कार्यक्रममा अमेरिकाका बिभिन्न राज्यहरुमा लामो समय देखि बस्दै आएका र अमेरिकामा पनि पेसालाई निरन्तरता दिदै आएका राष्ट्रिय तथा अन्तर राष्ट्रिय स्तरका प्रशिक्षक तथा खेलाडीहरुलाई सम्मान गरिने छ l मार्च २० तारिखका दिन एक भब्य कार्यक्रम बीच सम्मान गरिने जानकारी खेलकुद संयोजक नारायण गुरुङले बताए l

खेलकुदका बिभिन्न खेलहरुमा भकुण्डो ,बास्केट बल ,टेबल टेनिस तथा गल्फ खेलहरु खलाईने छ l सकर खेलमा न्युयोर्क ,बाल्टिमोर ,भर्जिनिया तथा डिसीका ६ वटा समुहले भाग लिने छन् भने भकुण्डो पुरुष वर्गको मात्र गराईने छ l अन्य खेलमा बास्केट बलमा ४ समुह ,टेबल टेनिस तथा गल्फमा धेरै खेलाडीहरु सहभागी हुने भएको जानकारी स्थानीय रुपमा खेलकुदको जिम्मेबारी लिई संयोजकको भूमिका निर्वाह गरि रहेका चन्द्र लामाले बताए l

आगामी मार्च २१ र २२ तारिख अमेरिकाको लिबर्टी कप त्यहि समयमा आयोजना हुने भएकोले खेल मैदानको पाउन निकै कठिन भएता पनि व्यवस्था मिलाईएको लामाले बताए l

अब अधिवेसन हुन् केवल १० दिन मात्र बाकी छ भने सम्मान गरिने प्रशिक्षक तथा खेलाडी समेत गर्दा ५ सय भन्दा ज्यादा हुने सम्भावना रहेको छ l