बालविकास केन्द्र सञ्चालन हुँदै आएका अमरपुर, स्टेसनपुर, झलारी र सिसैयामा भवन नहुँदा बालबालिकालाई स्थानीय बासिन्दाको घरको आँगनमा राखेर पठनपाठनको कार्य हँुदै आएको थियो ।

बालबालिकालाई पठनपाठनमा सहजता ल्याउनका लागि बालविकास केन्द्रका लागि रकम विनियोजन गरी भवन निर्माण गरिएको नगरपालिका कार्यालयका कार्यकारी अधिकृत शेरबहादुर बुढाले बताउनुभयो ।

बालबालिका लक्षित कार्यक्रमअन्तर्गत शिखर बालविकास केन्द्र अमरपुर, भृकुटी बालविकास केन्द्र स्टेसनपुर, मुक्ति शिविर बालविकास केन्द्र झलारी र हरियाली बालविकास केन्द्र सिसैयाका भवन निर्माण गरिएको हो ।

“बालविकास केन्द्र निर्माणका लागि रु २५ हजारदेखि रु ४० हजारसम्म रकम उपलब्ध गराएका छौँ” अधिकृत बुढाले भन्नुभयो ।

घाम बढी हँुदा र पानी पर्दा हप्तौँ दिनसम्म कक्षा सञ्चालन गर्न सकिने अवस्था थिएन उहाँले भन्नुभयो, “केन्द्रका भवन निर्माण भएपछि पठनपाठन गर्न सहज भएको छ ।” बालविकास केन्द्र निर्माण भएपछि २०० भन्दा बढी बालबालिका लाभान्वित भएका छन् ।