शुक्रबार, कार्तिक १४ २०७७
काठमाडौं १५:४२
वासिङटन डिसी 05:57

प्रधानमन्त्री कोइरालासँग फोरम लोकतान्त्रिकका अध्यक्ष गच्छदारको भेट

इनेप्लिज २०७१ फागुन २६ गते ८:३९ मा प्रकाशित

Sushil-Koirala-and-Bijaja-Kकाठमाडौँ, २६ फागुन । प्रधानमन्त्री सुशील कोइरालासँग आज बिहान मधेसी जनाधिकार फोरम, नेपाल (लोकतान्त्रिक) का अध्यक्ष विजयकुमार गच्छदारले प्रधानमन्त्री निवास बालुवाटारमा भेटवार्ता गर्नुभएको छ ।

कुनै सहयोगी नराखी दुई नेताबीच भएको वार्ता करिब एक घन्टा चलेको थियो ।

वार्ता दलहरुबीचको संवाद, संविधान निर्माण, संविधानसभाको बैठकलगायत मुलुकका समसामयिक राजनीतिक विषयमा केन्द्रित रहेको बताइएको छ ।

प्रधानमन्त्रीसँगको भेटवार्ता सम्पन्न भएपछि फोरम नेपाल (लोकतान्त्रिक) का अध्यक्ष गच्छदारले वार्ता निकै सकारात्मक भएको र वार्ताबाटै सहमति कायम गर्ने प्रधानमन्त्री कोइरालाको प्रयास सार्थक हुने बताउनुभएको थियो ।

प्रधानमन्त्री कोइरालाले सोमबार एनेकपा (माओवादी) का अध्यक्ष दाहालको नेतृत्वमा रहेको मोर्चामा आबद्ध सबै राजनीतिक दल र सम्बद्ध नेतालाई वार्ताबाटै सहमति बनाउन सकिन्छ भन्ने कुरामा भरोसा गर्न आग्रह गर्दै अहिले बनिरहेको संवाद, सहमति र वार्ताको वातावरणमा योगदान पुर्‍याउन आह्वानसमेत गर्नुभएको थियो ।

प्रधानमन्त्री कोइरालाले जनताले शान्ति, स्थायित्व, लोकतान्त्रिक संविधान र विकासको चाहना राखेको हुनाले आपसी वार्ता, संवाद, सहकार्य, एकता, मेलमिलापका माध्यमबाट संविधान निर्माणसहित मुलुकका समस्याको समाधानमा सहमति कायम गर्न सबै राजनीतिक दललाई निरन्तर आग्रह गर्दै आउनुभएको छ ।

प्रतिक्रिया