धादिङ घटनामा मृत्यु भएका ६ जनाकै सनाखत

इनेप्लिज २०७१ फागुन २५ गते १४:०२ मा प्रकाशित

काठमाडौँ, २५ फागुन । धादिङको पीडा गाविस–८ पुकुनमा विषाक्त गहुको रोटी खाँदा सोमबार मृत्यु भएका छ जनाकै सनाखत गरिएको छ ।

जिल्ला प्रहरी कार्यालय धादिङका प्रहरी नायव उपरीक्षक प्रकाश मल्लले दिएको जानकारी अनुसार मृत्यु हुनेमा ६० वर्षीय सन्तबहादुर तामाङ, उनकी बुहारी २५ वर्षीया फुलमाया तामाङ, नातिनीहरु सात वर्षीया सुमित्रा र अढाई वर्षीया सानुकान्छी तथा नातिहरु पाँच वर्षीय अर्जुन र अर्का पाँच वर्षीय रमेश तामाङ रहेका छन् ।

सो विषाक्त पिठोको रोटी बनाएर खाएका गाउँका अन्य १५ जना गम्भीर बिरामी भएका छन् । उनीहरुको काठमाडौँका विभिन्न अस्पतालमा उपचार भइरहेको छ ।

प्रतिक्रिया