त्यहाँका सेना प्रमुख इकवाल करिम भूइयानको निमन्त्रणामा प्रधानसेनापति जबराले बङ्गलादेशको भ्रमण गर्न लाग्नुभएको हो ।

प्रधानसेनापतिले भ्रमणका क्रममा बङ्गलादेशी प्रधानमन्त्री शेख हसिना वाजेदसँग शिष्टाचार भेट गर्नुहुने सैनिक जनसम्पर्क निर्देशनालयद्वारा आज आयोजित पत्रकार सम्मेलनमा जानकारी दिइयो ।

प्रधानसेनापतिको भ्रमण दलमा उपरथी अनुजबहादुर बस्न्यात, सहायकरथी शशिचन्द्रबहादुर सिंह र सेनानी ज्ञानेन्द्र केसी रहनु हुनेछ ।

बङ्गलादेशमा रहँदा प्रधानसेनापति राणाले आफ्ना समकक्षीसँग दुइपक्षीय वार्ता गर्नुका साथै त्यहाँको सैनिक शिक्षालयलगायतका स्थानको अवलोकन भ्रमण गर्नु हुनेछ ।

उच्चस्तरीय सैनिक नेतृत्वबाट हुने यसप्रकारका भ्रमणले नेपाली सेना र बङ्गलादेशी सेनाबीच रहँदै आएको सम्बन्धलाई अझ सुमधुर र प्रगाढ तुल्याउने नेपाली सेनाले विश्वास लिएको छ ।

नेपाली सेना बङ्गलादेशमा सञ्चालन हुने विभिन्न तालिममा लामो समयदेखि सहभागी हुँदै आएका छन् ।

त्यसैगरी, बङ्गलादेशी सेनाले पनि नेपाली सेनाको खरिपाटी र अमलेखगञ्जमा सञ्चालन हुने जङ्गल युद्धसम्बन्धी तालिममा नियमित रुपमा सहभागी हुँदै आएका छन् ।

विश्व शान्ति स्थापना कार्यमा द्वन्द्वरत मुलुकमा खटिँदा खासगरी नेपाली सेना र बङ्गलादेशी सेनाले अत्यन्त सौहार्द सम्बन्ध कायम गरी एकअर्कालाई सहयोग र सद्भाव देखाएर काम गर्दै आएको बताइन्छ ।

प्रधानसेनापति बङ्गलादेशको भ्रमण पूरा गरेर यही फागुन २८ गते स्वदेश फर्कनुहुनेछ ।