नेटवर्कको सहयोगमा इलामको उत्तरी क्षेत्रमा उच्च पहाडी जडीबुटी उत्पादक संरक्षण संस्थाले सामुदायिक वनमा ट्र्याङिङ क्यामेरा राख्न थालेको हो । संस्थाले मावु गाविसको तीन ठाउँमा क्यामेरा जडान गरेको संस्थाका फिञ्जु शेर्पाले बताउनुभयो । सामुदायिक तथा राष्ट्रिय वनमा रेडपान्डालाई पासो राखेको भेटिएपछि एक वर्षअघि बाट वनमा क्यामेरा जडान गरिएको छ । रेडपान्डाको बासस्थानमा नै पासो राखेको भेटेपछि शङ्कास्पद स्थानमा क्यामेरा जडान गरिएको छ ।

क्यामेराले वनमा मानिस, जनवार, पशुपक्षीको फोटो लिन्छ । ट्र¥यापिङ क्यामेराले खिचेका तस्विर समय समयमा हेरिन्छ । रुख र ढुङ्गाको आडमा क्यामेरा राखिएको छ । क्यामेरा राखेको थाहा नहोस् भनेर लेन्सबाहेक अन्य भागलाई भ्याऊ वा झारपातले ढाकिएको छ ।

इलामका मावुसहित जोगमाई, प्याङ, जमुना, माईमझुवा र माईपोखरी संरक्षणको काम भइरहेको छ । ती गाविसमा पनि क्यामेरा जडान गरिने शेर्पाले जानकारी दिनुभयो । इलामसहित पाँचथर र ताप्लेजुङमा पनि क्यामेरा राखिने छ । रेडपाण्डा नेटवर्ककै सहयोगमा पाँचथरमा दिपज्योती युवा क्लब र ताप्लेजुङ्गमा हिमाली संरक्षण मञ्चले क्यामेरा जडान गरिरहेको छ । मेची पहाडमा २१५ को हाराहारीमा रेडपाण्डा रहेको अनुमान गरिएको छ ।