सहिद सप्ताहको अवसरमा नेपाल राष्ट्रिय दलित मुक्ति मोर्चाले आज यहाँ आयोजना गरेको ‘वर्तमान राजनीतिक अवस्था, नयाँ संविधान र दलित मुद्दा’ विषयक अन्तरक्रिया कार्यक्रममा अध्यक्ष वैद्यले एमाओवादी मोर्चालाई संविधान छाडेर सडकमा आउन आग्रह गर्नुभयो ।

उहाँले राजनीतिक क्रान्ति पुरा भइनसकेकाले क्रान्तिलाई पूरा गर्न आ–आफ्नो गल्ती स्वीकारेर सबै माओवादी एक ठाँउमा आउनुपर्नेमा जोड दिनुभयो ।

उहाँले बहुमतको बलमा संविधान लेखिए पनि त्यो टिकाउन नहुने दावी गर्दै राष्ट्रिय राजनीतिक सभाबाटै समस्याको समाधान खोज्नुपर्नेमा जोड दिनुभयो ।

कार्यक्रममा दलित मोर्चाका अध्यक्ष परशुराम रम्तेल, उपाध्यक्ष खिमबहादुर विश्वकर्मालगायतले नयाँ संविधानमा दलितको समस्या सम्बोधन गर्न सबै पक्षका दलित समुदाय एकताबद्ध भएर दबाबका कार्यक्रम गर्नुपर्ने आवश्यकतामा जोड दिनुभएको थियो ।