सुनाखरीसहित पक्राउ
नुवाकोट, १४ फागुन । अवैधरुपमा धादिङबाट नुवाकोट ल्याइरहेको ३०० किलोभन्दा बढीको बहुमूल्य जडीबुटी सुनाखरी प्रहरी चौकी देउरालीले बरामद गरी जिल्ला वन कार्यालय नुवाकोटलाई बुझाएको छ ।
बहुमूल्य जडीबुटी सुनगाभा अर्थात् सुनाखरीको सङ्कलन इजजात नलिएको र राजस्व नतिरेको तथा निकासी इजाजतसमेत नलिइकन लुकाएर ल्याइरहेको समयमा प्रहरी चौकी देउरालीले बरामद गरेको हो ।
बा३ख १३२२ नम्बरको मिनी ट्रकमा बोरामा राखेर अवैधरुपमा ल्याइएको १० बोरा सुनाखरी प्रहरीले नियन्त्रणमा लिएर जिल्ला वन कार्यालयलाई बुझाएको हो ।
बरामद भएको ३०९ किलो सुनाखरी बोकेका गाडीका चालक धादिङको सत्यदेवी गाविस–५ का लर्जेन तामाङलाई वन कार्यालयले नियन्त्रणमा लिएर कारबाही सुरु गरेको छ ।
बरामद भएको जडीबुटीको विभिन्न जात हुने र त्यहीअनुसार कारबाही हुने भएकाले परीक्षणका लागि विधि विज्ञान प्रयोगशाला काठमाडौँमा पठाएर आवश्यक कारबाही चलाउने सहायक वन अधिकृत राजकुमार यादवले जानकारी दिनुभयो ।
वन कार्यालयको नियन्त्रयमा रहेका चालक तामाङले स्थानीय मिलन तामाङले पठाएको सामग्री आफूले ल्याएको मात्र भनी जिकिर गरेकाले घटनामा संलग्न व्यक्तिको पहिचान र नियन्त्रणको प्रयास अनुसन्धानको क्रममा रहेको सहायक वन अधिकृत यादवले बताउनुभयो ।
केही वर्षअघिसम्म प्रतिबन्धित रहेको सुनाखरी जडीबुटी अहिले खुलारुपमा सङ्कलन र निकासी हँुदै आएको छ । सुनाखरी बहुमूल्य जडीबुटीको रुपमा अन्तर्राष्ट्रिय बजारमा कारोबार हुँदै आएको छ ।
बहुमूल्य जडीबुटी सुनखरीको निकासी गर्दा वन कार्यालयले वनस्पति विभागमा पत्र पठाएर स्वीकृत लिएर मात्र सङ्कलन र निकासीको अनुमति दिने व्यवस्था रहेकाले वैधानिक कारोबारी प्रक्रिया पनि झन्झटिलो रहँदै आएको छ ।
जिल्ला वन कार्यालय नुवाकोटबाट अहिलेसम्म अनुमति लिएर सुनखरीको कारबाही गर्ने कोही पनि नभएको जिल्ला वन अधिकृत भरतबाबु श्रेष्ठले बताउनुभयो ।
सदस्यता नविकरण तथा नयां सदस्यता दर्ता सम्बन्धि अनुरोध ।
टेनेसीमा ७० बर्षिय बृद्धले पानीहाँसका २ शिकारीलाई गोली हानी हत्या
मिसिगनकी गभर्नर ग्रेचेन व्हाइटमरलाई अपहरण गर्ने योजना बनाउने योजनाकार दोषी ठहर
अमेरिकी सदनमा दंगा र बिद्रोहमा संलग्न भएका १५० जनालाई न्याय विभागद्वारा अभियोग
अमेरिकामा एकैदिनमा कोरोनाबाट १ लाख ४२ हजार संक्रमित,३९९० जनाको मृत्यु
प्रतिक्रिया