सोमबार, कार्तिक ३ २०७७
काठमाडौं २०:५२
वासिङटन डिसी 11:07

संविधान निर्माणको काम छिटो टुङ्गोमा पुर्‍याऔँ: नेता नेपाल

इनेप्लिज २०७१ फागुन १० गते १५:०१ मा प्रकाशित

madhav-kumar-nepalभीमदत्तनगर, १० फागुन । नेकपा (एमाले) का नेता माधवकुमार नेपालले संविधान निर्माणको कामलाई छिटो टुङ्गोमा पुर्‍याउन जरुरी रहेको बताउनुभएको छ ।

कञ्चनपुर जिल्लाको महेन्द्रनगरमा राष्ट्रिय भूमिअधिकार मञ्चको चौथो राष्ट्रिय सम्मेलनको उद्घाटन गर्दै उहाँले संविधान निर्माणको ठूलो काम बाँकी रहेकाले सबै राजनीतिक दलले सहमतिमा आएर संविधान निर्माणलाई चाँडो पूरा गर्नुपर्र्नेमा जोड दिनुभयो ।

पछिल्लो समय पूर्व राजा ज्ञानेन्द्र शाहले आफूसँग विगतमा भएको सहमति कार्यान्वयन गर भनेर अनावश्यक शीर उठाइरहेको बताउँदै नेता नेपालले राजा ज्ञानेन्द्रसँग कुनै सम्झौता नभएको जिकिर गर्नुभयो ।

संविधानसभाबाटै नयाँ संविधान – नेता श्रेष्ठ

त्यसैगरी, सोही समारोहलाई सम्बोधन गर्दै एकीकृत नेकपा (माओवादी) का उपाध्यक्ष नारायणकाजी श्रेष्ठले वर्तमान संविधानसभाबाटै संविधान जारी हुने बताउनुभयो ।

“कुनैपनि हालतमा यही संविधानसभाले संविधान जारी गर्छ, कसैले अनावश्यक भ्रम नछरे हुन्छ, यो नै अन्तिम संविधानसभा हो”–नेता श्रेष्ठले भन्नुभयो ।

दुई दिनसम्म चल्ने भूमिअधिकार मञ्चको सम्मेलनमा ५४ भूमिहीन नागरिक तथा सर्वसाधारणको सहभागिता रहेको छ ।

प्रतिक्रिया