बोको हरामले कब्जा लिएको शहर सेनाको नियन्त्रणमा

काठमाडौं, फाल्गुन १० । नाइजेरियाली सेनाले आतंकबादी समूह बोको हरामको कब्जामा रहेको बागा शहर नियन्त्रणमा लिएको छ ।

बोको हराम बिरुद्धको कारबाही तीब्र पारेको नाइजेरियाली सेनाले लामो प्रयासपछि यस्तो सफलता पाएको हो । शहर नियन्त्रणमा लिने क्रममा थुप्रै बोको हरामका कार्यकर्ता मारिएको दाबी सेनाको छ ।

बागा शहर कब्जामा लिने क्रममा बोको हरामले १ सय ५० जनाको ज्यान लिएको थियो । नाइेजेरियामा जारी हिंसाका कारण हजारौं नागरिक छिमेकी मुलुक चादमा शरणार्थीका रुपमा प्रवेश गरेका छन् ।

बोको हरामको कर्तुतका कारण सयौंको ज्यान गएपछि पछिल्लो समय नाइजेरियाली सेनाले बोको हराम बिरुद्ध थालेको अभियान तीब्र पारेको छ ।