पार्टीको भ्रातृ सङ्गठन राष्ट्रिय प्रजातान्त्रिक विद्यार्थी सङ्गठन नेपालको स्याङ्जा–काठमाडौँ सम्पर्क समितिको भेलालाई शनिबार सम्बोधन गर्दै महामन्त्री गुरुङले जातीय राज्यले द्वन्द्व निम्त्याउने र सबै पक्षको अपनत्व महसुस नहुने संविधान टिकाउ हुन नसक्ने बताउनुभयो ।

कार्यक्रममा पार्टीका केन्द्रीय सदस्य एवम् राप्रविसं नेपालका अध्यक्ष राजाराम बर्तौलाले जनभावना विपरीत संविधान लादिए आमान्य हुने बताउनुभयो । सो अवसरमा सङ्गठनका उपाध्यक्ष ऋषिकेश न्यौपाने, महासचिव उज्ज्वल पोखरेल, नेता रञ्जित देसारलगायतले स्याङ्जाबाट काठमाडौँ आएर विभिन्न कर्ममा लागेकालाई सङ्गठित गरिने बताउनुभयो । यसैबीच राजेन्द्र भण्डारीको संयोजकत्वमा स्याङ्जा–काठमाडौँ सम्पर्क समिति गठन गरिएको छ ।