मूल पुरोहित कृष्णकान्त काफ्ले र अन्य सहायक तीन पुरोहितले बटुकहरूको व्रतबन्ध गराएका हुन् ।

पहेँलो वस्त्रमा सजिएका बटुकलाई भिक्षा दिन उनीहरूका आफन्तजनको कार्यक्रममा ठूलो सङ्ख्यामा उपस्थिति रहेको गाउँ सेवा कोषले जनाएको छ ।

प्रतिबटुक रु २५० लिई अन्य पूजा र प्रसादका सामग्री कोषले नै खर्च गर्ने गरी उनीहरूको व्रतबन्ध गराएको हो ।

विसं २०४३ देखि उक्त कोषले न्युन शुल्कमा बटुकको सामूहिक व्रतबन्ध गराउँदै आएको कोषका अध्यक्ष गिरेन्द्रबहादुर अधिकारीले बताउनुभयो । कोषले अहिलेसम्म दुई हजारभन्दा बढी बटुकको व्रतबन्ध गराइसकेको जानकारी उहाँले दिनुभयो ।