मंगलबार, कार्तिक ११ २०७७
काठमाडौं १४:४४
वासिङटन डिसी 04:59

अमेरिकाको टेक्सासमा महाशिवरात्री सम्पन्न

इनेप्लिज २०७१ फागुन ७ गते १९:३७ मा प्रकाशित

 

 

11009062_10152807309542950_352835423_nफेब्रुअरी १७ मंगलबार I अमेरिकाको टेक्सास राज्यको डल्लास स्थित NCSC पूजा समितिद्वारा आयोजित हिन्दू मन्दिरमा जम्मा भई नेपाली भक्तजनहरुले महाशिवरात्री पर्व धुमधामका साथ मनाएका छन । NCSC पूजा समितिले आयोजना गरेको उक्त कार्यक्रममा नेपाली समाजलाई धार्मिक कार्य सु-सम्पन्न गराउन सक्रिय गुरु डा. शेखर पण्डितले बिहान ७:०० बजे सुरु गरि १०:३० बजेसम्म शिव-पुजन कार्यक्रम भएको थियो । पंतिबद्द बसेर पालै पालो शिव लिङ्गमा दूध अर्पण गर्ने ब्यबस्था गरिएको थियो । भजन गाएर रमाइलो गर्दै पूजा आराधना गरे पश्चात भक्तजनहरुलाई प्रशाद ग्रहणको पनि ब्यबस्था गरिएको थियो । नेपाली समुदायको मन्दिरमा DFW मेट्रो लगायत आसपासका सहरहरुमा बसोबास गर्ने सयौ भक्तजनहरुको उपस्थिति रहेको थियो ।
कार्यक्रममा NCSC पुजा समितिका संयोजक रमेश पोखरेलले उपस्थित भक्तजनहरुलाई स्वागत अभिनन्दन गर्नुभएको थियो |

10997195_10152807309617950_2117437865_n

त्यस्तैगरी भर्खरै प्रारम्भ भएको हरिहर शक्ति मन्दिरमा बिहान ६ बजेदेखि १२ बजे सम्म मन्दिरमा शिव आराधना भइरह्यो, बिहानैदेखि पारिवारिक रुपमा रुद्री गराउने, दुध पंचामृत चढाउने भक्तजनहरुको अनवरत आगमन र पूजापाठको आध्यात्मिक आनन्दको लहर चलिरह्यो। भर्खरै प्रारम्भ भएको हरिहर शक्ति मन्दिरमा पहिलोपटक आउने भक्तहरुको संख्या पनि उल्लेखनीय रह्यो। बिहानदेखि बेलुकासम्म बाक्लो रुपमा भक्तजनहरुको आगमन भयो। बेलुका ६ बजे सामूहिक शिवपूजा र रुद्राभिषेक संपन्न भयो। तत्पश्चात पण्डित तुलसी रामबाट शिवरात्रिको उत्पत्ति, यस दिनको अद्भुत महिमा र शिवरात्रिको कथा वाचन गरिएको थियो । अन्तमा आरती , भजन कीर्तन गरी शिवरात्रि पर्व मनाइयो I

10994823_10152807309712950_488253301_n

प्रतिक्रिया