अमेरिकाले इस्लाम विरुद्ध लडेको छैन: ओबामा

काठमाडौं, ७ फागुन । अमेरिकी राष्ट्रपति बाराक ओबामाले अमेरिकाले इस्लाम विरुद्ध लडाइ नलडेको स्पष्ट पारेका छन् ।

उनले इस्लामसँगको लडाइ नभइ इस्लामको नामलाई दुरुपयोग गर्ने कट्टरपन्थी समुहसँग लडीरहेको बताएका हुन् । वासिङटनमा ६० भन्दा बढी मुलुकका प्रतिनिधिहरुको सहभागिता रहेको तीन दिने एक सम्मेलनलाई सम्बोधन गर्दै ओबामाले विश्वले अहिले इस्लामको नाममा तोडमोड गरिएका हिंसा फैलाउने विचारधाराका कट्टरपन्थी व्यक्तिको सामना गरिरहनु परेको बताए ।

फ्रान्स र डेनमार्कमा केही दिनअघि भएका अतिवादी आक्रमणका घटनालाई लिएर आयोजना गरिएको उक्त सम्मेलनमा ओबामाले ईस्लामिक स्टेट र अल कायदा जस्ता समूह धार्मिक नेतृत्व नभइ आतंकवादी भएको बताए ।