नेपालमा कहीँकतै पनि एउटै जातिको बसोबास एकै स्थानमा नभएकाले बहुभाषिक, बहुसांस्कृतिक, बहुजातीय र बहुपहिचानसहितको सङ्घीयताको पक्षमा एमाओवादी रहेको प्रष्ट्याउनुभयो ।

इनरुवामा आज आयोजित ‘सङ्घीयता, शाासकीय स्वरुप र हाम्रो दायित्व’ विषयक अन्तरक्रियामा उहाँले नेपाली काँग्रेस र नेकपा (एमाले)ले विगतमा गरेको सम्झौताको आधारमा सहमति नगरेको तथा सहमतिको नाटक मात्रै रचेको आरोप लगाउनुभयो ।

नेता श्रेष्ठले एमाओवादी प्रत्यक्ष निर्वाचित राष्ट्रपति वा प्रधानमन्त्री, समानुपातिक निर्वाचन प्रणाली, प्रदेश विभाजन १० वा ११ वटा र संवैधानिक अदालतको पक्षमा रहेको बताउनुभयो । उहाँले बहुमतको बलमा काँग्रेस र एमालेले दुई पार्टीको संविधान ल्याए देश पुनः द्वन्द्वमा जाने जिकिर गर्नुभयो । जनयुद्ध र मधेस आन्दोलनको भावनालाई कुल्चेर कुनै पनि हालतमा नयाँ संविधान जारी हुन नसक्ने उहाँको भनाइ थियो ।

अन्तरक्रियामा राजनीतिक विश्लेषक डम्बर खतिवडा र भवानी बरालले सहमतिमा संविधान नल्याए दीर्घकालीन हुन नसक्ने बताउनुभयो ।

कार्यक्रममा सङ्घीयता, पहिचान र अधिकारका विषयमा सभासद् जाकीर हुसेन हक, अनिता परियार, मधेसी जनअधिकार फोरम नेपालका भगिरथ खत्वे, तमलोपाका सिएन पाठक, सद्भावनाका महिचन्द शाह, एमाओवादीका विश्व थारुलगायतले आ–आफ्नो धारणा व्यक्त गर्नुभएको थियो ।