डिसी नेपाली समाजले शिव रात्री यसरी मनायो

फाल्गुन ७ ,डिसी

अमेरिकाको डिसी महानगर क्षेत्रमा स्थापित डिसी नेपाली समाजले शिव रात्री मनाएको छ l भाषा र संस्कृतिको रक्षा गरौ भन्ने मूल नाराको साथ स्थापित उक्त संस्थाले हरेक बर्ष शिव रात्री मनाउदै आएको छ l

र ,यस बर्ष हिमपात र मौसम सुन्य तापक्रम भन्दा १० डिग्री मुनि तापक्रम भएकोले श्रद्धालुहरुको घुईचो बिगत बर्ष भन्दा पातलो रहेको संस्थाका पदाधिकारी दधि ढुंगानाले बताए l

गुरु राजेन्द्र प्रसाद खनालले पूर्ण विधिवत रुपमा पूजा अर्चना गरेका थिए भने भजन किर्तन गरिनुको साथै श्रद्धालुहरु भक्तजनहरुलाई प्रसाद वितरण गरिएको थियो l

शिव रात्रीको मनाउन डिसी महानगर क्षेत्र वर परका नेपाली समुदाय तथा संस्थाका पदाधिकारीहरुको उपस्थिति रहेको थियो l

हाम्रा संस्कृतिलाई जगेर्ना गर्न डिसी नेपाल समाज सदैव तत्पर छ भन्दै यस बर्ष देखि यहि जन्मेका दोश्रो पुस्ताको लागि नेपाली भाषा कक्षा पनि संचालनमा ल्याईएको सचिब कमल पोख्रेलले बताए l