वीरेन्द्रचोक नजिक आज बिहान ५ बजे मोटरसाइकलमा आएका तीनजनाको अज्ञात समूहले श्रेष्ठमाथि तरबार प्रहार गरी हत्याको प्रयास गरेका हुन् ।

मध्यपश्चिम बस यातायात व्यवसायी सङ्घमा एरिया इन्चार्ज पदमा कार्यरत श्रेष्ठ बिहानै कार्यालय जाँदै गर्दा चोकदेखि उत्तरतर्फ कुरेर बसेको समूहले श्रेष्ठमाथि तरबार प्रहार गरेको थियो । तरबारको प्रहारले श्रेष्ठको बायाँ हात चुँडिएको छ भने दुईवटै खुट्टामा गहिरो चोट लागेको छ ।

आक्रमण गर्नेलाई पक्राउ गर्न खोजी कार्य भइरहेको जिल्ला प्रहरी कार्यालयले जनाएको छ । जिल्ला प्रहरी प्रमुख प्रहरी उपरीक्षक राजेशलाल कर्णले खोजी कार्य जारी राखिएको र अझैसम्मशङ्कास्पद कोही पक्राउ नपरेको बताउनुभएको छ ।

आक्रमणपछि घाइते भएका श्रेष्ठलाई उपचार लागि काठमाडौं लगिएको छ ।