विगत तीन महिनादेखि ग्यास अभाव भएपछि उपभोक्ताले खाना पकाउन दाउरा र मट्टितेलले बालेर खाना पकाउने गरेका छन् । साथै सप्तरीमा ग्यास अभाव देखाउँदै चिया पसल र होटल व्यवसायीले महँगो मूल्यमा ग्यास सिलिन्डर खरिद गर्नुुपर्ने बाध्यता रहेको बताउँछन् ।

सप्तरीको राजविराज नगरपालिकासहित जिल्लाको ग्रामीण क्षेत्रमा दैनिक करिब दुई हजार ग्यास सिलिन्डर आवश्यक रहेको तर ग्यास उद्योगले ग्यास उपलब्ध नगराउँदा खाना पकाउन समस्या देखिएको छ ।

सप्तरीमा कोसी, मनोज, प्रिमा, सुविधा, रिजाललगायत ग्यासको ग्यास सिलिन्डर बिक्री वितरण हुने गरेको छ । यता नेपाल आयल निगम पूर्वाञ्चल क्षेत्रीय कार्यालयका अनुसार ग्यासको समस्या बिस्तारै हट्दै गएको छ ।