मंगलबार, कार्तिक ४ २०७७
काठमाडौं ०८:४७
वासिङटन डिसी 23:02

विराट गोल्डकप: झापा–११ सेमिफाइनलमा

इनेप्लिज २०७१ फागुन ४ गते १५:५५ मा प्रकाशित

jhapa-11विराटनगर, ४ फागुन । सहिद मैदानमा सञ्चालित विराट गोल्डकप फुटबल प्रतियोगितामा झापा–११ नेपाल पुलिस क्लबलाई टाइबे्रकरमा ४–२ले पराजित गरी सेमिफाइनलमा पुगेको छ ।

खेल सुरु भएको ६ मिनेटमा नै झापा–११ का योगेश गुरुङले पहिलो गोल गरेका थिए । तर १३ मिनेटमै नेपाल पुलिस क्लबका जुमानु राईले एक गोल फर्काएर बराबरी गरेका थिए । दोस्रो हाफको १७ औंँ मिनेटमा झापा–११का योगेश गुरुङले थप एक गोल गरे पनि दोस्रो हाफको अन्तिम समयको ४५औँ मिनेटमा पुलिस क्लबका मानबहादुर परियारले अर्को गोल थपेर बराबरी गरेका थिए ।

निर्धारित समयमा खेल बराबरी भएपछि अतिरिक्त समय थपिए पनि कुनै टोलीबाट गोल हुन नसकेपछि टाइब्रेकरबाट झापा–११ विजयी भएको हो ।

यही फागुन ९ गतेसम्म हुने सो प्रतियोगिताको सेमिफाइनलमा त्रिभुवन आर्मी क्लब र जगदम्बा लुम्बिनी फुटबल क्लब यसअघि नै पुगिसकेका छन् ।

प्रतिक्रिया