खेल सुरु भएको ६ मिनेटमा नै झापा–११ का योगेश गुरुङले पहिलो गोल गरेका थिए । तर १३ मिनेटमै नेपाल पुलिस क्लबका जुमानु राईले एक गोल फर्काएर बराबरी गरेका थिए । दोस्रो हाफको १७ औंँ मिनेटमा झापा–११का योगेश गुरुङले थप एक गोल गरे पनि दोस्रो हाफको अन्तिम समयको ४५औँ मिनेटमा पुलिस क्लबका मानबहादुर परियारले अर्को गोल थपेर बराबरी गरेका थिए ।

निर्धारित समयमा खेल बराबरी भएपछि अतिरिक्त समय थपिए पनि कुनै टोलीबाट गोल हुन नसकेपछि टाइब्रेकरबाट झापा–११ विजयी भएको हो ।

यही फागुन ९ गतेसम्म हुने सो प्रतियोगिताको सेमिफाइनलमा त्रिभुवन आर्मी क्लब र जगदम्बा लुम्बिनी फुटबल क्लब यसअघि नै पुगिसकेका छन् ।