मंगलबार, कार्तिक ४ २०७७
काठमाडौं १५:१३
वासिङटन डिसी 05:28

दुईवटा उद्योगमा आगलागी, पचहत्तर लाख बराबरको क्षति

इनेप्लिज २०७१ फागुन ४ गते ४:०५ मा प्रकाशित

fire-in-houseभक्तपुर, ४ फागुन । मध्यपुरथिमि नगरपालिका–१६ लोकन्थलीस्थित दुईवटा उद्योगमा गएराति भीषण आगलागी हुँदा रु ७५ लाख बराबरको क्षति भएको छ ।

लोकन्थलीको काठमाडौँ उपत्यका खानेपानी लिमिटेडसँगै रहेको उप्रेती कटन इन्डस्ट्रिज र गणेश कपास उद्योगमा एकैपटक आगलागी भएको हो । आगलागीबाट दुईवटै उद्योगको ६ वटा मेसिन, लाखौं बराबरको कपास, फर्निचर र विभिन्न सामान गरी रु ७५ लाख बराबरको क्षति भएको दुईवटै उद्योगका सञ्चालक दोलखा पोवटी–५ घर भई लोकन्थली बस्ने बलराम उप्रेतीले जानकारी दिनुभयो ।

दिउँसो विद्युत्भार कटौतीले गर्दा विद्युत् नहुने भएकाले राति विद्युत् आएको बेलामा काम गर्दै आएको उद्योगमा राति २ बजे अचानक विद्युत् सर्ट भएर आगलागी भएको उहाँले बताउनुभयो । आगलागीले प्रत्यक्ष रुपमा ३५ र अप्रत्यक्ष्य रुपमा २०० मजदुरको रोजीरोटी खोसिएको छ । आगलागीबाट दुईवटै कारखानाको सम्पूर्ण सामान जलेर नष्ट भएको छ ।

स्थानीय बासिन्दा, नेपाल प्रहरी, सशस्त्र प्रहरी, सेनाको टोली तथा प्रहरी, काठमाण्डौ र ललितपुरका ६ वटा दमकलले बिहान ५ बजे आगो नियन्त्रणमा लिएको थियो ।

प्रतिक्रिया