बुधबार, कार्तिक १२ २०७७
काठमाडौं ११:५३
वासिङटन डिसी 02:08

एमाओवादी धम्कीलाई जनताले माफी दिन्नन् : पूर्वप्रधानमन्त्री चन्द

इनेप्लिज २०७१ फागुन १ गते १४:५१ मा प्रकाशित

lokendra-bahadur-chandभीमदत्तनगर, १ फागुन । एकीकृत नेकपा (माओवादी) सहितको ३० दलीय मोर्चाको नेतृत्व गरिरहेका एमाओवादी अध्यक्ष पुष्पकमल दाहालले समानान्तर सरकार चलाउने भनी दिएको अभिव्यक्तिप्रति पूर्वप्रधानमन्त्री लोकेन्द्रबहादुर चन्दले आपत्ति प्रकट गर्नु भएको छ ।

शुक्रबार महेन्द्रनगरमा नेपाल उद्योग परिसङ्घ कञ्चनपुर–कैलाली च्याप्टरले आयोजना गरेको सुदूरपश्चिम औद्योगिक व्यापार मेला–२०७१ को उद्घाटन गर्दै पूर्वप्रधानमन्त्री चन्दले संविधान निर्माणका विवादित विषयमा सहमति गर्नुको विकल्प नरहेको बताउनुभयो ।
उहाँले अध्यक्ष दाहालले दिएको अभियुक्तको आलोचना गर्दै जनताले कुनै हालतमा माफी नदिने ठोकुवा गर्नुभयो । सत्तारूढ दलले ल्याएको नौबँुदे प्रस्ताव खारेज नगरिए समानान्तर सरकार चलाउने अध्यक्ष दाहालले बिहीबार चेतावनी दिनुभएको थियो ।
संविधान निर्माणका लागि बहुमतीय प्रक्रियाको विरोध गरिरहेका दलहरुलाई पनि सहमतिमा ल्याएर संविधान जारी गर्नुपर्नेमा उहाँको जोड थियो ।
देशलाई सङ्घीयतामा लैजाँदा सुदूरपश्चिमलाई टुक्र्याउन नदिने बताउँदै उहाँले सुदूरका नौ जिल्लाका बासिन्दामा कुनै पनि विषयमा विभेद नरहेको धारणा राख्नुभयो ।

प्रतिक्रिया