इलाका प्रहरी कार्यालय लहानबाट खटिएको प्रहरी टोलीले लागुऔषध कोरेक्ससहित लहान नगरपालिका–४ निवासी २७ वर्षीय देवकुमार पण्डित र सोही ठाउँका २८ वर्षीय बेचन मण्डललाई पक्राउ गरेको हो ।

खुटीखोलाको बगरमा शङ्कास्पद अवस्थामा भेटिएका दुवैजनालाई चेकजाँचका क्रममा उनीहरुको साथबाट लागुऔषध कोरेक्स भेटिएपछि पक्राउ गरिएको इलाका प्रहरी कार्यालय लहानका प्रहरी निरीक्षक चन्द्र राजवंशीले जानकारी दिनुभयो । पक्राउ परेका दुवैजनामाथि आवश्यक अनुसन्धान भइरहेको छ ।

यसैगरी प्रहरीको गस्ती टोलीले लागुऔषध मुद्दामा २०६८ सालदेखि फरार रहेका सिरहाको इनरुवा गाविस–९ कल्याणपुर निवासी ४३ वर्षीय राजदेव यादवलाई गएराती पक्राउ गरेको छ । इलाका प्रहरी कार्यालय लहानबाट खटिएको टोलीले फरार यादवलाई पक्राउ गरी आवश्यक कारबाहीका लागि आज सिरहा जिल्ला अदालतमा उपस्थित गराएको प्रहरी निरीक्षक राजवंशीले बताउनुभयो ।