आइतबार, कार्तिक ९ २०७७
काठमाडौं १०:५०
वासिङटन डिसी 01:05

त्रिभुवन फुटबल क्लब विजयी

इनेप्लिज २०७१ फागुन १ गते १४:४५ मा प्रकाशित

download-27मोरङ (पथरी), १ फागुन । विराटनगरमा जारी तेस्रो विराट गोल्डकपको आज सम्पन्न खेलमा नेपाल आर्मीको त्रिभुवन फुटबल क्लब विजयी भई क्वार्टर फाइलनमा प्रवेश गरेको छ ।

आर्मीले सशस्त्र प्रहरी बल काठमाडौंको एपिएफ फुटबल क्लबलाई २–० को अन्तरले पराजित गरेको छ । आर्मीले असोजमा बुटवलमा भएको बिपी कोइराला स्मृति गोल्ड कप फुटबलको फाइनलमा २–१ को गोलले पराजित भएको बदलासमेत लिएको छ । यस विजयीले आर्मी यस वर्ष पाँच उपाधि हात पार्ने दाउमा छ ।

आर्मीले खेल सुरु भएको ७९औँ मिनेटमा आर्मीका भरत खवासले दिएको पास सदुपयोग गर्दै टङ्क बस्नेतले उत्कृष्ट गोल गर्दै टिमलाई अग्रता दिलाउनुभएको थियो । सशस्त्रलाई दबबामा राखेको आर्मीले ८६आँै मिनेटमा नवयुग श्रेष्ठले गोल गर्दै आमीलाई २–० गोलको सुनिचित जित गराउनुभएको थियो ।

पहिलो हाफमा दबाबमा खेलको सशस्त्रले पाएको बारम्बार गोल गर्ने अवसर चुकाउँदा घर जान बाध्य भयो । सशस्त्रका नवीन लामा चबन्नौँ मिनेटमा प्रहार गरेको गोल आर्मीका गोलरक्षक विकेस कुथुले सानदार बचाउनुभयो । खेल सुरु भएको बत्तीसौँ मिनेटमा आर्मीका नवीन लामाले गरेको कडा प्रहार एपिएफका गोलरक्षक विनय श्रेष्ठले उत्कृष्ट बचाउनुभयो ।

खेलको ‘म्यान अफ द म्याच’ आर्मीका टङ्क बस्नेत घोषित हुनुभयो । प्रतियोगिताको शनिबारको खेल भाइचुन भुटियाको युनाइटेड फुटबल क्लब सिक्किम र जगदम्बा लुम्बिनी फुटबल क्लब रुपेन्देहीबीच प्रतिस्पर्धा हुनेछ ।

प्रतिक्रिया