बुधबार, कार्तिक १२ २०७७
काठमाडौं ०५:१४
वासिङटन डिसी 19:29

तोकिएकाभन्दा बढी शुल्क लिने एम्बुलेन्सलाई कारबाही गरिने

इनेप्लिज २०७१ माघ २९ गते ११:०७ मा प्रकाशित

ambulanceपाँचथर, २९ माघ । एम्बुलेन्स सञ्चालन समिति पाँचथरको बैठकले तोकिएको शुल्कभन्दा बढी रकम लिनेलाई कारबाही गर्ने निर्णय गरेको छ ।

फिदिमदेखि ताप्लेजुङसम्म पुगेर आएको रु नौ हजार लिँदै आएकामा आजबाट लागू हुने गरी रु सात हजार मात्रै लिन पाउने निर्णय गरेको छ ।

जिल्ला प्रशासन कार्यालय पाँचथरमा बसेको समितिको बैठकले अन्य स्थानका पनि भाडा घटाउन पाँच सदस्य समिति गठन गरिएको प्रजिअ प्रदीराज कँडेलले बताउनुभयो ।

यस्तै असल चालक र स्वास्थ्य क्षेत्रमा उत्कृष्ट समाचार लेख्ने पत्रकारलाई जनही रु २० हजारसहित सम्मान गरिने समेत निर्णय गरिएको प्रजिअ कँडेलले जानकारी दिनुभयो ।

बिना इजाजत दुईवटा एम्बुलेन्स सञ्चालनमा

यसैबीच जिल्लामा दुईवटा एम्बुलेन्स बिना दर्ता सञ्चालन भइरहेको भन्दै बेनामे उजुरी जिल्ला प्रशासन कार्यालय पाँचथरमा परेको छ ।

दर्ता बिना नै ती दुईवटा एम्बुलेन्स सञ्चालन भइरहेकाले छानबिनको माग गर्दै सो उजुरी परेको बताइएको छ ।

प्रतिक्रिया