सर्वोच्च अदालतमा आज आयोजित समारोहमा प्रधानन्यायाधीश साहले पुनरावेदन अदालतका पूर्व मुख्यन्यायाधीश मल्लिक र पूर्वराजदूत गुरुङलाई सपथ गराउनुभएको हो ।

प्रधानन्यायाधीश साहको उपस्थितिमा अध्यक्षद्वय मल्लिक र गुरुङले आ–आफ्ना आयोगका सदस्यलाई पनि पद तथा गोपनियताको सपथ गराउनुभएको थियो ।

पूर्वप्रधानन्यायाधीश ओमभक्त श्रेष्ठको अध्यक्षतामा गठित सिफारिस समितिको सिफारिसबमोजिम मन्त्रिपरिषद्को मङ्गलबार सम्पन्न बैठकले छानविन आयोगको अध्यक्षमा पूर्व मुख्यन्यायाधीश मल्लिक तथा सदस्यमा विजुल विश्वकर्मा, प्राडा विष्णु पाठक, नरकुमारी गुरुङ र आइतबहादुर गुरुङलाई नियुक्त गरेको थियो ।

यसैगरी सो सिफारिस समितिको सिफारिस बमोजिम मन्त्रिपरिषद्ले मेलमिलाप आयोगको अध्यक्षमा पूर्वराजदूत गुरुङ तथा सदस्यमा लीला उदासी, कृष्ण सुवेदी, डा माधवी भट्ट र मञ्चला झालाई नियुक्त गरेको थियो ।

समारोहमा कानुन, न्यायसंविधानसभा तथा संसदीय मामिलामन्त्री नरहरि आचार्य, कानुन सचिव भेषराज शर्मा, सर्वोच्च अदालतका उच्च पदस्थ कर्मचारीको उपस्थिति थियो ।