बुधबार, मंसिर १० २०७७
काठमाडौं १७:१८
वासिङटन डिसी 06:33

जिल्लास्तरीय चित्रकला प्रतियोगिता सम्पन्न

इनेप्लिज २०७१ माघ २८ गते १:५० मा प्रकाशित

akankshaa chouhan jr IIइनरुवा, २८ माघ । जिल्ला शिक्षा कार्यालय सुनसरीको संयोजनमा आदर्श उच्च मावि बराहक्षेत्रमा भएको जिल्लास्तरीय चित्रकला प्रतियोगिता मङ्गलबार सम्पन्न भएको छ ।

प्रतियोगितामा माध्यमिकतहका १५ विद्यालयका छात्रछात्राले सहभागिता जनाएका थिए ।

बाल केन्द्रित जलवायु परिवर्तन अनुकूलन परियोजनाअन्तर्गत जलवायु परिवर्तनमा बालबालिकाको सन्दर्भमा कोरिएका चित्रकलालाई आयोजकले मूल्याङ्कनको आधार बनाएको थियो ।

प्रतियोगितामा कोसी जनता मावि हरिपुरका इन्द्रजीतकुमार सदा प्रथम भएका थिए भने राष्ट्रिय मावि लौकहीका नारायण मण्डल दोस्रो, प्रकाश उच्च मावि प्रकाशपुरकी बिनिता राई तेस्रो र भालढुङ्गा उच्च मावि विष्णुपादुकाका विश्वास विक चौथो भएको आयोजकले जानकारी दिएको छ ।

सो अवसरमा विजेतालाई सिल्ड तथा प्रमाणपत्रबाट सम्मान गरिएको थियो ।

प्रतिक्रिया