अमेरिकबाट प्रकाशित पत्रिका ‘फोब्र्स’ले आज सार्वजनिक गरेको सूचीमा उहाँ रु एक अर्ब ३० करोड अमेरिकी डलर सम्पत्तिका साथ गत वर्षको तुलनामा १५९ माथि चढ्नुभएको छ । सो पत्रिकाका अनुसार एक वर्षमा उहाँको सम्पत्ति रु २० अर्ब बढेको छ । गत वर्ष उहाँको सम्पत्ति रु एक अर्ब १० करोड अमेरिकी डलर रहेकामा यस वर्ष २० करोड अमेरिकी डलर अर्थात् करिब २० अर्ब थपिएको हो । यसअघि अर्बपतिको सूचीमा उहाँ एक हजार ४६५ औंँ स्थानमा हुनुहुन्थ्यो । उद्योगपति चौधरी मात्र ‘फोब्र्स’ले सार्वजनिक गर्ने विश्वका अर्बपतिका सूचीमा पर्ने एक मात्र नेपाली हुनुहुन्छ ।