नेपाल प्रेस युनियन कञ्चनपुरले आज भीमदत्तनगरमा आयोजना गरेको पत्रकार सम्मेलनमा उहाँले भन्नुभयो–“संविधानसभाभित्र रहेका सबै दलबीच वार्ता र संवादबाट सहमतिको संविधान ल्याउनुपर्छ ।” प्रवक्ता बडूले एकीकृत नेकपा (माओवादी)सहितको मोर्चाले सडक आन्दोलन त्यागी वार्तामा आउनाको विकल्प छैन भन्नुभयो । “जनतासामु संविधानसभाबाट संविधान बनाउने प्रतिबद्धता जाहेर गरेका दलहरु अवश्य संविधान लेखनमा आउने छन्”–उहाँले भन्नुभयो ।

एमाओवादीलगायत मोर्चाले प्रक्रिया रोक्नुपर्ने मागबारे काँग्रेसले प्रक्रिया नरोक्ने र प्रक्रिया रोके संविधानको काम लम्बिने भन्दै विपक्षीसित वार्ता र संवाद गरी प्रक्रियामा नै गएर संविधान जारी गरिने जिकिर उहाँले गर्नुभयो । बहुजातीय पहिचान झल्कने खालको प्रदेश बनाउनुपर्नेमा उहाँले जोड दिनुभयो ।