बिहीबार, कार्तिक १३ २०७७
काठमाडौं १९:२०
वासिङटन डिसी 09:35

बावुराम जिरे खुर्सानी हुन्ः नेता नेपाल

इनेप्लिज २०७१ माघ २७ गते ११:४३ मा प्रकाशित

madhav-nepalरुपन्देही, २७ माघ । एमालेका बरिष्ठ नेता माधव कुमार नेपालले एकीकृत माओवादीका नेता बावुराम भट्टराईलाई जिरे खुसार्नीको संज्ञा दिनुभएको छ ।
संविधान सभाको निर्वाचनको समयमा गौतम बुद्धको जन्मस्थान रहेको रुपन्देही जिल्लाबाट निर्वाचनमा उठेपनि उनले शान्तिको पाठ सिक्न नसकेको बताउनुभयो । ‘शान्तिका अग्रदूत भवगवान गौतमबुद्ध जन्मेको ठाउँबाट चुनाव लडेपनि भट्टराईले शान्तिको पाठ जानेन्’, नेता नेपालले भन्नुभयो, ‘उनी त उल्टै जिरे खुसार्नी जस्तै पो भएछन् ।’
नेता नेपालले बावुरामलाई एक हप्ता लुम्बिनी आएर बसी सोच्नसमेत आग्रह गर्नुभयो ।
बुटवलमा आज जीवराज आश्रित स्मृति प्रतिष्ठान नेपालको चौथो साधारण सभा तथा दोस्रो अबिधेशनलाई उद्घाटन गर्दै नेपालले संविधानसभालाई छाडेर ३० दलीय मोर्चा सडक आन्दोलनमा होमिनुको कुनै साथर्कता नभएको बताउनुभयो । उहाँले नमिलेका विषयमा छलफल गर्न आफूहरु तयार भएको भन्दै आन्दोलनलाई जनताले साथ नदिने उल्लेख गर्नुभयो ।
क्षणिक रिसले टाढा भएका प्रतिपक्षहरु नजिक आउने बातावरण तयार भएको भन्दै नेपालले आफूहरुले सहमतिका लागि अधिकतम प्रयास गरेको बताउनुभयो ।
नेता नेपालले एमाओवादी जनताको मर्मलाई नबुझी आन्दोलनमा गएको बताउनुभयो । ‘प्रचण्डले अब आफ्नो पूरा नाम पुष्पकमल दाहालनै झुण्डाएर नाम जस्तै सवलम्ब बन्नुपर्छ’, उहाँले भन्नुभयो ।

प्रतिक्रिया