आठ महिनासम्म हरिबहादुर घरपरिवारको सम्पर्कमा नआएको उहाँका ६१ वर्षीय बुबा कर्णबहादुर खत्रीले बताउनुभयो ।

छ वर्षअघि रोजगारीका लागि मलेसिया गएका उनी परिवारदेखि सम्पर्कविहीन छन् । बुबा कर्णबहादुरका अनुसार उनी गत असारदेखि बेखर बनेका हुन् ।

पहिला घरपरिवारसँग फोनमा कुराकानी गर्ने र घरमा पैसासमेत पठाउने खत्री गत असारदेखि मलेसियामा कहाँ, कस्तो अवस्थामा बसिरहेका छन् भन्ने घरपरिवारलाई थाहा छैन ।

विसं २०६७ साउन १५ गते मलेसिया गएका थिए । खत्री मलेसियामा हराएपछि परिवार चिन्तित बनेको छ । खत्रीका कक्षा २ र कक्षा १ मा पढ्ने दुई छोरी, आमाबुबा र श्रीमती रहेका छन् ।

खत्रीका बुबाले छोराको खोजी गरिदिने नेपाल सरकार र मलेसियास्थित दूतावासलाई समेत अनुरोध गरेका छन् ।