इनेप्लिज
२०७१ माघ २५ गते १४:३८ मा प्रकाशित
काठमाडौँ, २५ माघ । संयुक्त राष्ट्रसङ्घीय शान्ति मिसन (युएनडीओएफ) को फोर्स कमाण्डरमा नियुक्त हुनुभएका उपरथी पूर्णचन्द्र थापा आज आफ्नो जिम्मेवारी सम्हाल्न न्युयोर्कतर्फ प्रस्थान गर्नुभयो ।
उहाँलाई न्ययोर्क प्रस्थान गर्नुपूर्व त्रिभुवन अन्तर्राष्ट्रिय विमानस्थलमा श्री नं.१ बाहिनी अड्डाका बाहिनीपति सहायक रथी पूर्णबहादुर सिलवालले विदाई गर्नुभएको सैनिक जनसम्पर्क निर्देशनालयले आज जनाएको छ ।
उपरथी थापा संयुक्त राष्ट्रसङ्घको न्यूयोर्कस्थित मुख्यालयमा केही दिन रही मिसन इलाकातर्पm प्रस्थान गर्ने कार्यक्रम रहेको छ ।
यसअघि विभिन्न मितिमा नेपाली सेनाका चार रथीले संयुक्त राष्ट्रसङ्घअन्तर्गत रही विभिन्न शान्ति मिसनहरूमा फोर्स कमान्डर र एकजना रथीले उपसैनिक सल्लाहकारको रुपमा संयुक्त राष्ट्रसङ्घको उच्च तहको जिम्मेवारी पुरा गरी सक्नुभएको जनाउदै नेपाली सेनाले यस्ता जिम्मेवारीले अन्तर्राष्ट्रिय जगतमा नेपालको छवि उच्च हुने विश्वास लिएको छ ।
प्रतिक्रिया