पक्राउ पर्नेमा सिन्धुपाल्चोकको साँगाचोक–२ बस्ने २८ वर्षीय मालते तामाङ र रामेछापको बेथान–५ कमलडाँडा बस्ने २७ वर्षीय जिम्बो लामा भन्ने मिमलाल दोङ छन् ।

उनीहरुको साथबाट एक थान कटुवा पेस्तोल, सोको दुईवटा गोली, दुईवटा मोबाइल तथा नगद रु २१ हजार ४९५, १० अमेरिकी डलर र पाँच भारतीय रुपैयाँसमेत बरामद गरिएको सशस्त्र प्रहरी नायब उपरीक्षक अजय छतकुलीले जानकारी दिनुभयो ।

उनीहरु लुटपाटलगायत आपराधिक गतिविधिमा संलग्न रहेको तथा अवैध हतियारसमेत रहेको भन्ने सुराकीको आधारमा केही दिनदेखि सशस्त्र प्रहरीको विशेष टोलीले निगरानी गरिरहेको बताइएको छ ।