प्रक्रिया अघि बढे पनि सहमतिको ढोका बन्द भएको छैनः उपप्रधानमन्त्री सिंह

पोखरा, १९ माघ । उपप्रधान तथा स्थानीय विकासमन्त्री प्रकाशमान सिंहले संविधानसभाले प्रश्नावली समिति बनाएर प्रक्रिया अघि बढाएपनि सहमतिको ढोका बन्द नभएको बताउनुभएको छ ।

गणेशमान सिंह फाउन्डेसन कास्कीले आज यहाँ आयोजना गरेको अन्तरक्रिया कार्यक्रमलाई सम्बोधन गर्दै उहाँले दोस्रो संविधानसभाले पनि तोकिएको मितिमा नयाँ संविधान जारी गर्न नसक्नुमा लौह पुरुष गणेशमान सिंहजस्ता नेताको अभाव खट्किएको बताउनुभयो ।

स्व गणेशमानको चाहना २०४६ सालको राजनीतिक क्रान्तिपछि देशमा आर्थिक, सामाजिक र सांस्कृतिक क्रान्ति गर्नु थियो तर त्यो हुन नसकेको धारणा उपप्रधानमन्त्री सिंहले राख्नुभयो ।

उहाँले सहमतिको माला जप्दाजप्दै पहिलो संविधानसभाको अवधि सकिएको गल्ती कसैले दोहो¥याउन नहुनेमा जोड दिनुभयो ।