मंगलबार, कार्तिक ११ २०७७
काठमाडौं ०१:२२
वासिङटन डिसी 15:37

रुखले च्यापेर पत्रकार शाहीको मृत्यु

इनेप्लिज २०७१ माघ १९ गते १६:३६ मा प्रकाशित

जाजरकोट, १९ माघ । नेपाल पत्रकार महासङ्घ जाजरकोट शाखाका सदस्य वीरबहादुर शाहीको रुखले च्यापेर मृत्यु भएको छ ।

नायकवाडा गाविस–७ गैरी गाउँका शाहीको सरस्वती मावि सिलीगीचौर नजिकै उतिसको रुख काट्दै गर्दा च्यापिएर मृत्यु भएको प्रहरीले बताएको छ ।

शाही जाजरकोटबाट माउन्टेन टिभीमा कार्यरत थिए । प्रेस चौतारी नेपाल जाजरकोट शाखासँग आबद्ध पत्रकार शाही नेपाल पत्रकार महासङ्घ जाजरकोट शाखाका सदस्य थिए ।

शाहीको निधनले चौतारी स्तब्ध

यसैगरी प्रेस चौतारी नेपालले शाहीको सोमबार रुखले किचिएर मृत्यु भएको घटनाले चौतारी स्तब्ध भएको जनाएको छ ।

चौतारीका महासचिव माधव नेपालले आज जारी गर्नुभएको विज्ञप्तिमा जाजरकोटको पत्रकारितामा एउटा जुझारु पत्रकारको निधनले त्यहाँको पत्रकारिता क्षेत्र पनि स्तब्ध भएको छ भने प्रेस चौतारीले पनि अपुरणीय क्षति बेहोरेको उल्लेख गरिएको छ ।

चौतारीले शोक सन्तप्त परिवारमा समवेदना प्रकट गर्दै दुःखको यो घडीमा परिवारमा धैर्यधारण गर्ने शक्ति प्राप्त होस् भन्ने कामना गरेको छ ।

प्रतिक्रिया