आइतबार, कार्तिक ९ २०७७
काठमाडौं १६:४८
वासिङटन डिसी 07:03

पूर्वी युक्रेनमा सङ्घर्ष जारी, चौबीस घन्टामा पन्ध्र सैनिक मारिए

इनेप्लिज २०७१ माघ १७ गते १६:२५ मा प्रकाशित

UKRAINE-RUSSIA-CRISIS-MILITARYकिभ, १७ माघ । विगत लामो समयदेखि सङ्घर्ष जारी रहेको पूर्वी युक्रेनमा पछिल्लो समयमा सरकारी सैनिक मारिने क्रम रोकिएको छैन ।

प्राप्त पछिल्लो समाचार अनुसार गएको २४ घन्टामा त्यहाँ कम्तीमा पनि १५ जना सैनिक मारिएका छन् । सो समाचार सरकारी अधिकारीहरुले शनिबार दिएका हुन् ।

युक्रेनको पूर्वी भागमा रसियाली समर्थक विद्रोहीले युक्रेन सरकारका विरुद्ध सङ्घर्ष गर्दै आएका छन् । जसको फलस्वरुप गएको २४ घन्टामा १५ जना युक्रेनी सेना मारिनुको साथै अरु ३० जना घाइते भएका छन् ।

यसैबीच विद्रोहीहरुले पूर्वी युक्रेनको भोग्लेग्रिस्त नगर आफुहरुले नियन्त्रणमा लिएको जानकारी दिएका छन् । उनीहरुले सो दाबी गरेका रसियाली टेलिभिजनले दिएको छ ।

रसियाली टेलिभिजनहरुमा ती विद्रोहीहरुले उक्त नगरमा विद्रोह जारी राखेका र भिषण रुपमा भिडन्तहरु जारी रहेका दृश्यहरु दिएका देखाइएको छ । रासस/एएफपी

प्रतिक्रिया