प्रक्रियामा नआए जनताबाट बहिष्कारः उपप्रम गौतम

काठमाडौँ, १६ माघ । उपप्रधान मन्त्री एवम् गृहमन्त्री वामदेव गौतमले संविधान निर्माणको प्रक्रियामा सहभागी नभएका प्रतिपक्षी दल जनताबाट बहिष्कार हुने बताउनुभएको छ ।

रिपोर्टर्स क्लब नेपालमा आज आयोजित कार्यक्रममा गौतमले विपक्षी एनेकपा माओवादी र मधेसवादी दलले संविधानसभाबाट संविधान जारी नचाहेकाले सहमति नभएको बताउँदै भन्नुभयो, “हामीले त उहाँहरुलाई संविधान लेखनको यो महानअभियानमा सहभागी हुन आग्रह गरिरहेका छौं, अब उहाँहरु आउनु भएन भने जनताबाट बहिष्कार हुने निश्चित छ ।”

नेकपा एमालेका उपाध्यक्ष समेत रहनुभएका गौतमले दुईतिहाई शक्तिसँग घुर्की लगाउन नमिल्ने भन्दै सहमतिमा आउन आह्वान पनि गर्नुभयो । उहाँले आगामी तीन महिनाभित्र नयाँ संविधान आउने पनि स्पष्ट गर्नुभयो ।