मंगलबार, कार्तिक ११ २०७७
काठमाडौं ०६:४९
वासिङटन डिसी 21:04

वार्तासँगै प्रक्रियालाई अघि बढाउने काँग्रेस एमालेको निर्णय

इनेप्लिज २०७१ माघ १२ गते १६:३८ मा प्रकाशित

congress-umlकाठमाडौँ, १२ माघ । सत्तारुढ दल नेपाली काँग्रेस र नेकपा एमालेले सहमतिको ढोका खुला राख्दै संविधान निर्माण प्रक्रियालाई अघि बढाउने निर्णय गरेका छन् ।

प्रधानमन्त्री निवास बालुवाटारमा आज साँझ बसेको दुई दलको बैठकले संविधानसभामा फरक मत राख्ने एमाओवादीसहितका विपक्षी दलहरुसँग सहमतिको लागि वार्ताको ढोका खुल्ला राख्ने र प्रक्रियालाई पनि अघि बढाउने निर्णय गरेको छ ।

संविधान निर्माण प्रक्रियालाई कसरी अघि बढाउने भन्नेबारे दुबै दलले भोलि संविधान निर्माणमा सहभागी अन्य दलहरुसँग पुनः छलफल गरी निर्णय लिइने काँग्रेस सहमहामन्त्री पूर्णबहादुर खड्काले जानकारी दिनुभयो ।

“दुई दलको बैठकले आज कुनै ठोस निर्णय गरेको छैन, सहमतिको ढोका खुल्ला राख्ने र प्रक्रियालाई निरन्तर अघि बढाएर संविधान चाँडो जारी गर्नेबारे कुराकानी भएको छ, भोलि थप छलफल गरी निर्णय हुन्छ,” उहाँले भन्नुभयो ।

प्रतिक्रिया