मंगलबार, कार्तिक ११ २०७७
काठमाडौं ०१:१०
वासिङटन डिसी 15:25

सिरियामा ११७ विद्रोही मारिए

इनेप्लिज २०७१ माघ १० गते १५:४१ मा प्रकाशित

isis_21014दमास्कस, १० माघ । सिरियामा जारी रहेको विद्रोही विरुद्धको कारबाहीमा परी शनिबार कम्तीमा पनि ११७ जना विद्रोही मारिएको समाचारमा जनाइएको छ ।
प्राप्त पछिल्लो समाचारअनुसार सिरियाली सेनाले देशको दक्षिणी क्षेत्रको एक नगरमा शनिबार गरेको कारबाहीमा ती विद्रोही मारिएका हुन् ।
दक्षिणी सहर मसारामा सरकारी सेनाले गरेको कारबाहीमा अल कायदाआवद्ध ४७ जना सशस्त्र हतियारधारी मारिएका छन् ।
त्यसैगरी दक्षिणी सिरियाकै अर्को प्रान्त दारामा त्यहाँ विद्रोह गरिरहेका सिरियाली विद्रोहीका विरुद्ध जारी कारबाहीमा परी ७० जना सशस्त्र हतियारधारी मारिएका छन् ।
सिरियामा तीन वर्षभन्दा लामो समयदेखि जारी रहेको विद्रोहमा डेढ लाखभन्दा बढी नागरिक मारिएका छन् ।
त्यहाँ अहिले पनि दैनिकजसो नागरिक हताहत हुने गरेका छन् । उता पछिल्लो समयमा त्यहाँ अल कायदाका लडाकू पनि छिरेका र उनीहरुको पनि कारबाही जारी रहेको बताइन्छ । रासस/एएफपी

प्रतिक्रिया