मंगलबार, मंसिर १६ २०७७
काठमाडौं ११:४५
वासिङटन डिसी 01:00

संवाद समितिका सभापति एमाओवादीलाई जानु भुल भोः ओली

इनेप्लिज २०७१ माघ ९ गते १२:१२ मा प्रकाशित

Kp_oli_Saptari_Newsकाठमाडौँ, ९ माघ । नेकपा एमालेका अध्यक्ष केपी शर्मा ओलीले संवैधानिक राजनीतिक संवाद तथा सहमति समितिको सभापति एकीकृत नेकपा माओवादीलाई दिनु भुुल भएको बताउनुभएको छ ।

नयाँ बानेश्वरमा सत्तारूढ दलको बैठकपछि आयोजित पत्रकार सम्मेलनमा उहाँले  एमाओवादीलाई संवाद समितिको सभापति दिइएका कारण माघ ८ मा संविधान आउन नसकेको आरोप लगाउनुभयो । नेता ओलीले संविधानसभालाई विफल बनाउने सपना नदेख्न सबैलाई आग्रह गर्दै कुनै पनि हालतमा संविधानसभाबाटै संविधान आएर छाड्छौँ भन्नुभयो । “एमाओवादीको अलोकतान्त्रिक र संविधान विरोधी क्रियाकलाप लामो समयसम्म  टिक्दैन”–उहाँले भन्नुभयो ।

सो अवसरमा नेपाली काँग्रेसका उपसभापति रामचन्द्र पौडेलले संविधानसभाबाटै संविधान जारी गर्न कसैले रोक्न सक्दैन भन्दै संविधान आउन नदिने खेलले सबैलाई दुःखित बनाएको छ भन्नुभयो । उहाँले काँग्रेस र एमालकोे वा बहुमतको चाहनालाई अल्पमतको बन्दी बनाउने प्रयास गरिएको भन्दै आगामी आइतबारदेखि संविधानसभा पुनः सञ्चालन हुने जिकिर गर्नुभयो ।

प्रतिक्रिया