श्रीलङ्का सरकार भ्रष्टाचार विरुद्ध कडा हुने सङ्केत

कोलम्बो, ८ माघ । श्रीलङ्काको नवनिर्वाचित सरकार भ्रष्टचारका विरुद्धमा कडा रुपमा प्रस्तुत हुने लक्षण देखाएको छ ।

नवनिर्वाचित सरकारको आदेशमा त्यहाँ भ्रष्टाचारसम्बन्धी मुद्दामा परेका एकजना पूर्व गभर्नर र  अर्का एक सांसदलाई बिहीबार इमिगेरेशन प्रहरीले बिदेश जान प्रतिबन्ध लगाएको छ ।

श्रीलङ्काको केन्द्रीय बैंकका पूर्व गभर्नर अजित निब्रद क्याबराल र पूर्व सांसद सजिन वास गुणवर्धनेलाई बिहीबार विदेश जानबाट रोक लगाइएको छ ।

उहाँहरुलाई लगाइएको यस प्रतिबन्धले भ्रष्टाचारका विरुद्धमा सरकार कडा रुपमा प्रस्तुत हुन खोजेको देखिएको समाचारमा जनाइएको छ ।

हालैमात्र राष्ट्रपतिमा पराजित महिन्द राजपाक्छेका विरुद्ध पनि भ्रष्टाचारमा मुद्दा दिइएको छ । उहाँलाई दबाब दिनका लागि यो कारबाही सुरु भएको अनुमान गरिएको छ । रासस÷सिन्ह्वा÷एएफपी