शनिबार, कार्तिक १५ २०७७
काठमाडौं ०७:००
वासिङटन डिसी 21:15

चीनको इलेक्ट्रोनिक व्यापार सन् २०१४ मा दुई हजार अर्ब अमेरिकी डलर बराबर

इनेप्लिज २०७१ माघ ७ गते १५:३३ मा प्रकाशित

862-03351266बेइजिङ, ७ माघ । चीनको इलेक्ट्रोनिक व्यापार सन् २०१४ मा १३ हजार अर्ब युआन (दुई हजार ९० अर्ब अमेरिकी) डलर बराबर पुगेको जानकारी सरकारले बुधबार दिएको छ । बेइजिङले हाल अनलाइन व्यापारलाई आर्थिक वृद्धिको नयाँ उपायको रूपमा लिएको छ ।

वाणिज्य मन्त्रालयले अनलाइनमा कस्तो प्रकारको कारोवार भएको भन्ने जानकारी दिएको छैन । मन्त्रालयले यसमा व्यापारिक संस्थाबीच तथा खुद्रा बिक्रीमा उक्त कारोबार भएको उल्लेख गरेको छ ।

मन्त्रालयका प्रवक्ता सेन दानयाङले सन् २०१४ मा इलेक्ट्रोनिक व्यापार २५ प्रतिशतले वृद्धि भएको जानकारी दिएका छन् ।

चीनको राष्ट्रिय तथ्याङ्क केन्द्रले अनलाईन खुद्रा व्यापार दुई हजार ८०० अर्ब युआन बराबर भएको जानकारी दिएको छ । यसमा सन् २०१४ मा ४९.७ प्रतिशतले वृद्धि भएको जानकारी दिइएको छ ।

चीनमा विश्वमा सबैभन्दा अधिक अनलाइन जनसङ्ख्या रहेको छ । गत वर्ष यहाँ ६३ करोड २० लाख जनता अनलाइनमा रहेको बताइएको छ ।

प्रतिक्रिया