राष्ट्रिय लिग फुटबलः मनाङ मस्र्याङ्दी विजयी
काठमाडौँ, ७ माघ । राजधानीमा आजदेखि सुरु भएको राष्ट्रिय लिग फुटबल प्रतियोगितामा मनाङ मस्र्याङदी क्लब विजयी भएको छ ।
दशरथ रङ्गशालामा आज भएको सो प्रतियोगितामा मनाङ मस्र्याङ्दीले सुदूरपश्चिमाञ्चल फुटबल क्बल कैलालीलाई ३–० गोलअन्तरले पराजित गर्दै विजयी बनेको हो । यो जितसँगै मनाङ मस्र्याङ्दीले तीन अङ्क जोडेको छ ।
मनाङ मस्र्याङदीका विदेशी खेलाडी मोविले स्टेफनले खेल सुरु भएको ४ मिनेटमै पहिलो गोल गर्दै खाता खोले । त्यस्तै मनाङ मस्र्याङ्दीका अर्का खेलाडी शिव श्रेष्ठले खेलको ५० औँ मिनेटमा एक गोल थप्दै अग्रतालाई दोब्बर बनाए भने अनिल गुरुङले खेलको ६२ औँ मिनेटमा थप एक गोल गरे ।
उपत्यका र मोफसलका गरी नौ टोलीले प्रतिस्पर्धा गरिरहेको उक्त प्रतियोगिताको विजेता टोलीले रु एक करोड प्राप्त गर्नेछ । त्यस्तै प्रतियोगितामा उपविजेता हुने टोलीले ले रु ५० लाख प्राप्त गर्नेछ भने तेस्रो स्थान हासिल गर्ने टोलीले रु २५ लाख प्राप्त गर्नेछ । प्रतियोगितामा उत्कृष्ट गोलकिपर, डिफेन्स, मिडफिल्ड फरवार्ड र प्रशिक्षकले जनही एक थान मोटरसाइकल प्राप्त गर्नेछन् ।
प्रत्येक सहभागी टोलीले एक अर्को टोलीसँग एक खेल ‘होम’मा र एक खेल ‘अवे’मा खेल्नेछन् । जम्मा ७२ खेल हुने उक्त प्रतियोगितामा ४० खेल उपत्यकामा र ३२ खेल उपत्यका बाहिर हुनेछन् ।
ट्रम्पले व्हाइट हाउस छोड्ने बेलामा करिव १ सय भन्दा ज्यादालाई क्षमादान दिने सम्भावना
प्रथम महिला मेलानिया ट्रम्पले व्हाइट हाउस छोड्नेबेलामा दिईन बिदाइ सन्देश
न्यान्सी पेलोसीको कार्यालय अगाडी स्वयमको तस्बिर खिच्ने न्युयोर्कका एक बिधार्थी पक्राउ
ओरेगनको पोर्टल्याण्डमा १२ बर्षिय किशोरीले आफ्नो पितालाई छाती र पेटमा छुरा प्रहार
ट्रम्पका कट्टर समर्थक न्यु मेक्सिकोका सरकारी कर्मचारी सदन आक्रमणमा संलग्न भएकोमा पक्राउ
प्रतिक्रिया