बन्दकर्ताले प्रचण्डका सुरक्षाकर्मीलाई कुटेपछि…
६ माघ, काठमाडौं । एमाओवादी अध्यक्ष प्रचण्डको सुरक्षार्थ लाजिम्पाटस्थित निवासमा खटिएका सशस्त्र प्रहरीले एमाओवादीकै कार्यकर्ताबाट सोमबार नयाँ बानेश्वरमा कुटाइ खाएका छन् ।
संविधानसभाबाट निस्केर सोमबार सवा ४ बजे बिजुली बजारमा कार्यकर्तालाई सम्बोधन गर्न हिँडेका प्रचण्ड कृष्णटावर नजिकै पुगेपछि उनका अंगरक्षकहरुले बन्दकर्ताको पिटाइ खाएका हुन् ।
आफ्ना सुरक्षागार्डमाथि बन्दकर्ताले नचिनेर आक्रमण गरेपछि एमाओवादी अध्यक्ष प्रचण्ड प्रहरीको भ्यानमा चढेर नयाँ बानेश्वर हुँदै लाजिम्पाटतर्फ लागेका छन् । नयाँ बानेश्वरमा संविधानसभा बैठकमा भाग लिन प्रचण्ड लाजिम्पाटबाट प्रहरीकै भ्यानमा आएका थिए ।
प्रचण्डले बिजुलीबजारमा कार्यकर्तालाई सम्बोधन गर्ने कार्यक्रम थियो । तर, कार्यकर्ता र आफ्नै अंगरक्षकवीच झडप भएपछि प्रचण्ड कार्यक्रमस्थल छेउमै पुगेर फर्किए । सशस्त्रका जवानले आफू घाइते भएर प्रचण्डलाई ढुंगाले लाग्नबाट जोगाएका थिए । झडपका क्रममा एमाओवादी सभासद जनार्दन शर्मा र अनिता परियार लगायत थप केही घाइते भएका थिए ।
संविधानसभाबाट विजुली बजारमा पुल छेऊमा राखिएको माइकसम्म पुगेर प्रचण्ड र बाबुरामले सम्बोधन गर्ने कार्यक्रम रहेको थियो । दुबै पूर्वप्रधानमन्त्रीहरु आफ्ना कार्यकर्ता छेऊमा पुग्दा भाषण गर्ने ठाउँसम्म बन्दकर्ताको भीडले ढाकिएको थियो ।
टेक्ससका एक व्यक्तिले भर्जिनिया स्थित तथ्याँक केन्द्रलाई बिस्फोट गर्ने योजना बनाउदा एफबिआईद्वारा पक्राउ
एनआरएन अमेरिकाको बोर्ड अफ डाइरेक्टरमा सुवेदीले उम्मेदवारी दिने
जर्जियामा द्रुतगतिमा गाडी कुदाउनेलाई पछ्याउने क्रममा गोली हानाहान हुँदा संदिग्ध मारिए ,३ प्रहरी घाइते
फाइजरले १२-१५ बर्षका बालबालिकाको लागि आकस्मिक खोपको प्रयोग गर्न एफडिएसंग अनुमतिको माग
गिरिजा प्रसाद कोईराला फाउण्डेशन अमेरिका च्याप्टरको नॅंया कार्यसमिती गठन
प्रतिक्रिया