मंगलबार, कार्तिक ४ २०७७
काठमाडौं १४:३६
वासिङटन डिसी 04:51

संविधानसभाको बैठक प्रभावित

इनेप्लिज २०७१ माघ ५ गते १०:१६ मा प्रकाशित

sambidhansabhaकाठमाडौँ, ५ माघ । संविधानका विवादित विषयमा सहमति हुन नसक्दा संविधानसभाको बैठक प्रभावित भएको छ ।

आज १ बजेका लागि बोलाइएको संविधानसभाको बैठक साँझ ५ बजेसम्मका लागि स्थगित गरिएको छ ।

संविधानसभा व्यवस्थापिका–संसद् सचिवालयका सहायक प्रवक्ता सुदर्शन कुइँकेलका अनुसार ४ः३० बजेका लागि कार्यव्यवस्था परामर्श समितिको बैठक बोलाइएको छ । सो बैठकपछि मात्रै संविधानसभाको बैठक बस्ने छ ।

संवैधानिक–राजनीतिक संवाद तथा सहमति समितिले पेस गरेको प्रतिवेदनमाथि छलफल सकिएको र आजको बैठकमा सो समितिका सभापति डा बाबुराम भट्टराईले जवाफ दिने कार्यक्रम रहेको छ ।

आज बिहानदेखि संविधानसभा भवन नयाँ बानेश्वरमा बसेको प्रमुख दलको बैठकमा कुनै पनि सहमति नभएपछि १ बजेका लागि बोलाइएको बैठक चार घन्टा पर सारिएको हो ।

दिउँसो २ः३० बजे प्रमुख दलको बैठक बस्ने र सोही बैठकका आधारमा कसरी अगाडि बढ्ने भन्ने निष्कर्ष निकालेर अगाडि बढ्ने तयारी सचिवालयले गरेको छ ।

प्रमुख दलको बैठकपछि मात्रै कार्यव्यवस्था परामर्श समितिको बैठक बस्ने र सोही बैठकको आधारमा संविधानसभाको बैठक अगाडि बढाउने तयारी गरिएको सचिवालयले जानकारी दिएको छ ।

प्रतिक्रिया