बुधबार, कार्तिक १२ २०७७
काठमाडौं ११:१९
वासिङटन डिसी 01:34

प्रमुख दल र मोर्चाबीचको बैठक

इनेप्लिज २०७१ माघ ३ गते ३:३४ मा प्रकाशित

BICC18काठमाडौँ, ३ माघ । मधेसी मोर्चासहित प्रमुख तीन दलका शीर्ष नेताको बैठक संविधानसभा भवन नयाँ बानेश्वरमा भर्खरै सुरु भएको छ ।

नयाँ संविधान एक वर्षभित्र जारी गर्ने भनी एक वर्षअघि जनतासँग प्रतिबद्धता जनाएका प्रमुख दल त्यो मिति नजिकिँदै गर्दा संविधानका अन्तर्वस्तुमा सहमति कायम गर्ने प्रयासस्वरुप घनीभूत छलफलमा जुटेका हुन् । संविधानका प्रमुख अन्तर्वस्तुमा देखिएका विवाद सुल्झाउने क्रममा पछिल्लो समय दलहरुको बैठकले निरन्तरता पाउँदै आए पनि निष्कर्षमा पुग्न सकेको छैन ।

दलबीच सङ्घीयता, शासकीय स्वरुप तथा निर्वाचन र न्यायप्रणालीमा मतभेद रहँदै आएको छ । सो मतभेद जनतामा भन्दा राजनीतिकस्तरमा अझ बढी झाङ्गिएको छ । संविधानसभाका अध्यक्ष सुवास नेम्वाङको उपस्थितिमा प्रमुख दलहरु ती अन्तर्वस्तुमा देखिएका विवादलाई सहमतिमा रुपान्तरण गर्न कोसिसमा छन् ।

प्रतिक्रिया