बुधबार, मंसिर १० २०७७
काठमाडौं १६:४७
वासिङटन डिसी 06:02

प्रेस चौतारी झापाको दाल, तेल, नुन र चामल सभासदलाई

इनेप्लिज २०७१ माघ २ गते १२:१७ मा प्रकाशित

DSCN5679भद्रपुर, २ माघ । प्रेस चौतारी नेपाल झापा शाखाले झापाका प्रमुख जिल्ला अधिकारी तेजप्रसाद पौडेलको कार्यकक्षमा आज ‘खबरदारी सभा’ कार्यक्रम सम्पन्न गरेको छ ।

संविधानसभाका सदस्यलाई ध्यानाकर्षण गराउने उद्देश्यले आयोजित सो कार्यक्रममा सभासद्ले प्रतिबद्धता गरेको माघ–८ मा संविधान जारी गर्ने विषयमा उनीहरू तल्लीन रहन र प्रतिबद्धताअनुसार नै तोकिएको समयमा संविधान जारी गर्न सभासद्लाई संविधानसभाभित्रै खाना खान दाल, तेल, नुन र चामलको एक पोको पठाउन प्रमुख जिल्ला अधिकारीलाई शाखाका सभापति गोपाल काफ्लेले हस्तान्तरण गर्नुभयो ।

प्रमुख जिल्ला अधिकारी पौडेलले प्रेस चौतारीबाट प्राप्त साङ्केतिक खाद्यान्न र ध्यानाकर्षणपत्र दू्रत सेवाको माध्यमबाट आजै संविधानसभामा पठाउने जानकारी दिनुभयो ।

प्रतिक्रिया