मंगलबार, माघ १३ २०७७
काठमाडौं ०९:०३
वासिङटन डिसी 22:18

चाँदीसहित एकजना पक्राउ

इनेप्लिज २०७१ माघ २ गते ७:५७ मा प्रकाशित

Silvarवीरगन्ज (पर्सा), २ माघ । प्रहरीले एक किलो ८६० ग्राम चाँदीसहित एकजनालाई वीरगन्जबाट पक्राउ गरेको छ ।

वडा प्रहरी कार्यालय विर्ताबाट खटिएको प्रहरीको विशेष टोलीले बाराको इटियाही गाविस–७ का आत्माराम साहलाई पक्राउ गरेको हो ।

चाँदी लिएर भारतको रक्सौलतर्फ जाँदै गरेका साहलाई वीरगन्ज उपमहानगरपालिका–१९ शंकराचार्य प्रवेशद्वार नजिकैबाट गएराति पक्राउ गरेको जिल्ला प्रहरी कार्यालय पर्साले जनाएको छ ।

साहको शरीर जाँच गर्दा रु एक लाख १५ हजार मूल्य बराबरको एक किलो ८६० ग्राम चाँदी बरामद भएको प्रहरी उपरीक्षक दिवेश लोहनीले जानकारी दिनुभयो ।

चाँदीसहित पक्राउ परेका साहलाई आवश्यक अनुसन्धान र कारबाहीको लागि राजस्व अनुसन्धान विभाग मध्यमाञ्चल क्षेत्रीय कार्यालय पथलैया बारामा आज पठाइने उहाँले बताउनुभयो ।

प्रतिक्रिया