हिन्दू राष्ट्र माग गर्दै बिर्तामोडमा रिले अनशन

बिर्तामोड, १ माघ । संविधानमा हिन्दु राष्ट्र लेखिनुपर्ने माग गर्दै संयुक्त सघर्ष समिति झापाले आजबाट विर्तामोडको मुक्ति चोकमा रिले अनशन सुरु गरेको छ ।

नेपालमा हिन्दुराष्ट्र पुर्नस्थापना गर्ने उद्देश्यले माघ ८ मा संविधान जारी गर्नु पूर्व नै आफूहरुले  आन्दोलन गरेको राष्ट्रिय हिन्दू एकता मञ्च नेपालका केन्द्रीय अध्यक्ष तथा संयुक्त सघर्ष समितिका सह–संयोजक इन्द्रप्रसाद ओलीले जानकारी दिनुभयो ।
आन्दोलनलाई सरकारले बेवास्ता गर्दै संविधान माघ ८ मै नबनाए, संविधानमा हिन्दू राष्ट्र नेपाल नलेखिए त्यसपछि कडा आन्दोलन गर्नूको विकल्न नभएको र त्यसको सम्पूर्ण जिम्मेवारी सरकारले व्यहोर्नु पर्ने उहाँले बताउनु भएको छ ।

रिले अनसन शान्तिपूर्ण हुने र यसलाई सरकारले बेवास्ता गरे  आमरण अनशनसम्म बस्न तयार रहेको सघर्ष समितिका संयोजक    हर्कलाल गिरीले जानकारी दिनु भएको छ ।