मंगलबार, कार्तिक ११ २०७७
काठमाडौं २३:३३
वासिङटन डिसी 13:48

एनआरएन अमेरिकाको सदस्यता लिन समाजसेवी तिवारीको आग्रह‏

इनेप्लिज २०७१ पुष ३० गते १९:०८ मा प्रकाशित

ImageProxy

एनआरएन अमेरिकाको सदस्यता लिनका लागि यही ३१ जनवरीसम्म म्याद रहेकाले उक्त अवधिभित्र सदस्यता लिनका लागि समाजसेवी विनोद तिवारीले अमेरिकामा बसोबास गर्दै आएका नेपालीहरुलाई आह्वान गर्नुभएको छ ।

एकता नै बल हो भन्ने सिद्धान्त अनसार बिना राजनीतिको अन्तर्राष्ट्रिय नेपाली संस्था एनआरएन अमेरिकाको सदस्यता लिई आफ्नो आवाज बुलन्द गर्न तिवारीले सबैलाई आह्वान गर्नुभएको हो ।

एनआरएन अमेरिका सम्पूर्ण अमेरिकावासी नेपालीहरुको आशा र भरोसाको केन्द्र भएको उल्लेख गर्दै तिवारीले एनआरएन अमेरिकाको तुरुन्त सदस्यता लिएर आफ्नो मताधिकार प्रयोग गर्न आग्रह समेत गर्नुभएको छ ।

योग्य, कर्मठ र जुझारु उम्मेदवारलाई जिताउनु हाम्रो कर्तव्य हुनेछ, तिवारीले भन्नुभएको छ । हामी नेपालीले देश छाडेको १८३ दिनपछि स्वतः एनआरएन हुने कानूनी व्यवस्था रहेको उल्लेख गर्दै तिवारीले वैधानिक रुपमा एनआरएन बनेर र आफ्नो पैतृक हक अधिकारका लागि आवाज बुलन्द गर्न अमेरिकाका
विभिन्न राज्यमा बसोबास गर्नु हुने नेपाली दाजुभाई तथा दिदीबहिनीहरुमा आग्रह गर्नुभएको छ ।

उहाँले दैनिक जीवनमा हामीलाई विभिन्न समस्या, कठिनाई, कानूनी समस्या आउनसक्ने भएकाले एउटा सिस्टममा बस्दा हामीलाई आइपर्ने विभिन्न कठिनाई एक अर्कोमा सहयोगी भावनाले समाधान गर्न सकिने तिवारीले उल्लेख गर्नुभएको छ । उहाँले यसका लागि हाम्रो एकता अनिवार्य भएको पनि प्रष्ट पार्नुभएको छ ।

प्रतिक्रिया